farfora
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لانشائه

farfora

>>>>>FaRfOrA<<<<<
 
الرئيسيةمكتبة الصورالتسجيلدخول
ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
بحـث
 
 

نتائج البحث
 
Rechercher بحث متقدم
المواضيع الأخيرة
» برنامج ACD
الأحد ديسمبر 26, 2010 9:39 pm من طرف شموع الامل

» اعرف اكتر من 200 موقع على الانترنت
الأحد ديسمبر 26, 2010 9:01 pm من طرف tito.matrex1

» برنامج فولدر لوك
الأحد ديسمبر 26, 2010 8:57 pm من طرف tito.matrex1

» يوميات شاب روش طحن
الثلاثاء أكتوبر 26, 2010 4:58 pm من طرف CABO_SAMO

» كلمات لها معانى
الثلاثاء أكتوبر 26, 2010 4:39 pm من طرف CABO_SAMO

» ثيمات لموبيلات الجيل الرابع اللي مش بتلاقيلها في اي حته ولو مش عارف موبيلك جيل رابع ولا لا ادخل شوووف وانت تعرف
الثلاثاء أغسطس 10, 2010 1:15 pm من طرف شموع الامل

» اعتذار و رد
السبت يوليو 10, 2010 5:34 pm من طرف زعيمة الفرافير

» حمل فيلم واحد صفر VCD
الإثنين يونيو 21, 2010 7:44 am من طرف شموع الامل

» خـلطة فوزيـه DVdRip
الإثنين يونيو 21, 2010 7:36 am من طرف شموع الامل

» The Wolfman 2010
السبت يونيو 12, 2010 11:12 am من طرف شموع الامل

سحابة الكلمات الدلالية
أفضل 10 أعضاء في هذا المنتدى
farfora
 
yasoashry
 
شموع الامل
 
suzi
 
اكبر فرفوره
 
hassan
 
zika
 
دموع الياسمين
 
prison break
 
سبرينا
 


شاطر | 
 

 نصيحة: لو أنت متفائل و بتحب التفاؤل بلاش تقرأ الي مكتوب هنا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
farfora
admin
admin
avatar

عدد الرسائل : 253
العمر : 28
السٌّمعَة : 1
نقاط : 315
تاريخ التسجيل : 15/07/2008

مُساهمةموضوع: نصيحة: لو أنت متفائل و بتحب التفاؤل بلاش تقرأ الي مكتوب هنا   السبت يوليو 26, 2008 6:12 pm

بكل براءة كتبت في أحد المنتديات بتكلم عن الحاجات الغريبة الي بناكلها زي الجبنة الي كل ما تكون طرية أكتر و قابلة
للدهن دا معناه ان نسبة الفورمالين (الي يحنطو بيه الجثث) فيها أكبر و مرقة الدجاج الي ملهاش علاقة بالدجاج و عبارة عن مواد كيماوية و بهارات، و تطرقت للغش التجاري و اللبن المغشوش الي بيحطو فيه بودرة سيراميك و سماد اليوريا...
لقيت واحد كتر ألف خيره الظاهر أنه عالم ببواطن الأمور رد عليا مستنكرا وكتب:
هيّ المشكلة في اللبن ؟
خد عندك
- اللبن النيدو المصري مضاف اليه دقيق- عن تجربة عملية - خصوصا البتاع
الصغير بتاعو ابو جنيه وربع
- عصير المانجو اللي في محلات العصير 70% منه مش ليه علاقه بالمانجو
اصلا..ده قرع عسلي.. بمرأى العين.. وسلامي للحاج فرغلي
-اللانشون والبسطرمة.. اللي المفروض مكتوب عليها لحم بقري خالص حلال..
مفيهاش ريحة اللحمة اصلا.. دي سقط حيوانات مدبوحه مفروم مع بهارات وتوابل
وجيلاتين وعضم فراخ وبالسم الهاري.. تحياتي للحاج صلاح والمعلم عبفتاح..
- انواع الهامبورجر المنتشره في السوق (عدا نوعين تلاتة) كوكتيل من البهارات وماده جيلاتينية بتبقي مبطنة لجلد الحيوانات بعد الذبح وبتتباع من المسلخ الطن منها بـ 250 جنيه تقريبا ..
الطن منها بيستخدم (بعد الغلي في قدور كبيرة مقززة في مناطق لاادمية باستخدام عصاية شبه المجداف كده للتقليب) وبيعمل حوالي 500 عبوة (زنة 1 كيلو برجر) بتتباع بـ 10 جنيه الصحة تقفل المصنع (أو بير السلم) وصاحبه يلبس قضية غش تجاري محترم ياخد في الآخر حكم غرامة بـ 10 الاف جنيه او حبس سنة ..وغالبا بيدفع الغرامة ويخرج يأجّر بير سلم تاني وتبدأ عجلة العمل من جديد.
**********
- علب الزيت الـ1 كيلو بتاع القلي ام 2 جنيه وربع و3 جنيه دي- اللي لونه غامق قوي ومش شفاف دي - اصلا زيت مستخدم من محلات الفول والطعمية بيعاد تجميعه في عربيات بتنك زي بتاعة اللبن كده وبتتفلتر بادوات بدائية جدا عشان تشيل بواقي القلي اللي فيها ويعاد تعبيتها في زجاجات - مستعملة مسبقا ومعاد غسلها بالمية والصابون- وبتتعبى يدويا بقمع بلاستيك وتتبرشم بماكينة برشمة تمنها 3 الاف جنيه.. وبيع يامعلم
الزجاجة البلاستيك من الزبالين.. الدسته بجنيه..
طن زيت مستخدم الكيلو بيتاخد من المطعم بـ 25 قرش..
قمع بلاستيك قول 10-5 جنيه ..
وماكينة برشمه بـ 3 الاف بالكتير
تكسب في الطن 2000 جنيه مستريح جدا.. ويتحرق اللي بيشتروا بجاز.. جاز مش نضيف زي الزيت اللي اشتروه
- الحلاوة الطحينية اللي في المحلات.. عليه اكسيد تيتانيوم عشان تاخد اللون بتاعها وبعضها مفيهوش ريحة السمسم اصلاً.. عليها دقيق وفورمالين عشان تمسك نفسها..
اصل الدولار بقي غالي فالسمسم غالي والزبون عاوز الارخص مش الانضف
- فلاتر ميه الشرب.. بتفلتر الطعم (عبر ازالة الكلور) والريحة (عن طريق الفلتر الكربوني) لكن المعادن التقيله اغلبها مبيتفلترش اصلا الا في الفلاترالاكتر من 3 مراحل.. سلام كبير اوي لفلاتر تانكة
**********
- سمك المزارع السمكية..بياكل دم ومخلفات عمليات الذبح عشان يكبر بسرعة
- فراخ المزارع.. من كتكوت عمره يوم لفرخه كاملة وزنها كيلو علي الاقل الي كيلو و200 جرام بياخد 19 يوم..حقن هرمونات في الاكل وميه الشرب.. علما ان الفرخة الطبيعه عاوزه 4 شهور عشان تقرب من الحجم ده
ده غير مزرعة فراخ امريكانا اللي في برج العرب اللي بتورد الفراخ لمطاعمهم.. اول مره في حياتي اشوف فرخه وزنها 4 كيلو ونص كان هناك.. ومش بتعرف تمشي.. وعندها حاجة من الجنب كده بالتدقيق اكتشفت انها: مشروع جناح
-طلمبة البنزين الـ 92 والـ 95 في البنزينات دلوقتي.. الطلمبتين بياخدو من خزان ارضي بنزين واحد ..مهي اصل الطلمبة ذكية ..بتميز الـ 92 من الـ 95

- محلات الحلويات اللي بتبيع الحلويات للشرقية بالسمن البلدي.. ولابلدي ولانيلة دي معموله بسمنة صناعي وعليها مكسبات طعم زي اللي بيستخدموها فـ المصانع
-الجبنة الرومي القديمة.. مش قديمة ولانيلة برضه..هما يعني هيعتقوها عشان حضرتك تستمع ويركنها في المخزن شهور؟ لييه؟
بيضيفو هيدروكلوريد اسيد تركيز 30 %.. عشرة لتر لكل طن جبنه وتتكتم في قبو قديم معفن 24 ساعه وتطلع قديمة وطالع عين امها كمان
**********
- اكياس البلاستيك: اكياس البلاستيك اي لون (غير الشفافة المفروض انها بتتصنع من رولات بولي ايثيلين خام)
الواقع ان اغلبها عبوات بلاستيك (ميه وبيبسي) وبيتم تسيحهم في افران وسحبهم على شكل رولات تاني.. ودي ارحم من الاكياس البلاستيك السوداء اللي مصدرها مخلفات المستشفيات والمراكز الطبية (حقن - سرنجات - كانيولا - فلاتر -اكياس دم مستعمله - قساطر بوليه مستعمله..)
- عبوات المياه المعدنية اكوافينا (انتاج مصانع بيبسي) عن مصدر مقرب الميه دي لابئر جوفي ولانيله.. حتي مفيش عنوان للمصدر علي عبوات القزايز دي بخار الميه الناتج عن التكثيف في خطوط انتاج البيبسي .. بدل ماتتهدر وهم بيدفعو عليها فلوس لمصلحة المياه قرروا يجمعوها في تانكات ويعبوها في قزايز ويستغلو شبكة التوزيع الضخمة بتاعتهم توزع ميه مع البيبسي وبسعر ارخص من سوق المياه المعدنيه باكتر من 50 قرش ق الزجاجه..(محدش خد بالو من طعم البيبسي
في الميه دي؟)
- صابون غسيل الوجه وكريمات البشرة والشعر المنتشره في السوق(من غيرالانواع المعروفة) ياريت حد يبقي يحللها يمكن نعرف نوصل للمركبات اللاارضية اللي بيستخدموها فيها
**********
السادة بقي ضرّيبة المخدرات (طالما بنتكلم عن الغش التجاري باعتبارهم مستهلكين هم كمان):
- الحشيش..مش حشيش ولاحاجة ده عجينة من الحنا واللبان الدكر ونسبه بسيطة لاتتجاوز .,4 من الكميه والزيت اللي ع الحشيش ده مش زيت دخ ماكستون فورت..
في الاخر .. كلها اعشاب طبيعيه
- البانجو..في الاغلب مش بانجو..نعناع وبذر طماطم مجروشين وعليهم شويه شاي محروق (عشان الريحة بس) ..اهي كلها نباتات
- البودرة.. مش بودرة بردو.. دي اقراص ريفو مطحونة ..كل 10 اقراص عليهم
قرص رهبانول وبيتحطو في ورقه فويل وتتسخن تحتها ولاعه (عشان ياخد اللون البيج بتاع الهورايين)
وقسم وبيع تذاكر يامعلم .. كلها ادوية صداع
**********
انتهى كلامه أثابه الله و انتهت معه كل ثقة لي في اي حاحة في الدنيا دي..
فاضل في الدنيا (الي فاكره يعني): الشكولاته معرفش عنها حاجة وحشة و بحبها
الي يعرف حاجة عن دي كمان أو الي عنده أخبار كويسة تفرحنا شوية يا ريت يحط تعليق او يبعتلي و أنا أكتبها علشان الي لسا مش عارف ياخد قرار الانتحار يشد حيله أو يرجع في كلامه
الرجوع الى أعلى الصفحة اذهب الى الأسفل
yasoashry



عدد الرسائل : 79
العمر : 28
السٌّمعَة : 0
نقاط : 1
تاريخ التسجيل : 22/09/2008

مُساهمةموضوع: رد: نصيحة: لو أنت متفائل و بتحب التفاؤل بلاش تقرأ الي مكتوب هنا   الجمعة أكتوبر 03, 2008 12:33 pm

ههههههههههههههههه طيب هتشائم هههههههههههه
الرجوع الى أعلى الصفحة اذهب الى الأسفل
 
نصيحة: لو أنت متفائل و بتحب التفاؤل بلاش تقرأ الي مكتوب هنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
farfora :: فرفشة الفرافير :: ركن الترفيه والكوميديا-
انتقل الى:  
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  

قم بحفض و مشاطرة الرابط farfora على موقع حفض الصفحات

قم بحفض و مشاطرة الرابط farfora على موقع حفض الصفحات

widgets
التبادل الاعلاني