ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
صدفة
انا فت على قبر وسئلته على اللى فيه قلتلو
مالك ياقبر مبيردوش عليا ليه قلى عايزم يردو عليك يقولو ايه
والحال ظهر للى وياه عقل يفهم بيه
انا قلت يا قبر مش فاهم بنقصد ايه
قلى املا كفك تراب وبعقلك انظر فيه
هتلاقى ده عمده والغفر حواليه وده باشا والمنشه جميله فى اديه
الكل صبح تراب ما تعرف العمده من الباشا من البيه
عجبى!!!
صلاح جاهين
ورد في ورق سلوفان يا حلوة اهديلك ؟
و الا انقله بالطين في الشتلة و اجيلـــــك
الأولاني لو وحا بحنــــــــــــــــــــــانــي
عجبي علي التاني بإيــــــــه يوحيلــــــــك
عجبي !!
صدفة
فت على قصر بتفرج على اللى فيه
لقيت جميل الصوره فارش وانيم فيـه
سحبت سيفى وقلت اقتله وارمــــــــــــــيه
اتريه محجب والحجاب غالى
رمش برمش عينه
رمانى قبل ما ارميه
عجبى!!!
صلاح جاهين
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!
صدفة
عجبتنى واحده خارجه فى الصباح تملا
لبسه حزام بندقى ومكلفاه جمله
استغربت وقلت ايش نزل القمر من السحابه علشان يملا
وصرحت وندهت باعلى صوتى
ياعم اسماعيل يا قناوى
يا ساكن الرمله
منين اللى على شط بتملا
عجبى !!!
صلاح جاهين
رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبى !!!
صدفة
بحب الحياه وبحب السحاب والمطر
وبحب الشمش وبؤمن بالقضاء والقدر
الجمال موجود بس للى عندو نظر
عجبى !!!
صلاح جاهين
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
صدفه
طول عمرى بنتظر حبيبتى والانتظار اخره الملل
ودموع عنيا تبكى عمرها ما كانت عدم
ببكى على غربتها اللى زودت عندى الالـم
قعدت ساكت حزين
واللى يشوفنى يحسبنى صنم
عجبي !!!
صلاح جاهين
سهير ليالي و ياما لفيت و طفت
و ف ليه راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبى !!!
صدفة
الاقى فين عدالى البخت لو مال الاقى فين عداله
والحب لو مال تلقى الشوق عداله
والحمل لو مال بيتعب ايد عداله
مش كل صياد بيرمى الشبك بيصيد ولا كل من
لعب لعبتو يكسب الوقت عندالقدر
من غير نشان بيصيب
الحلو يخسر تجارته والوحش يكسب
عجبى!!
]صلاح جاهين
كان فيه قمر كأنه فرخ الحمام
علي صغره دق شعاع شق الغمام
أنا كنت حاضر قلت له ينصرك
إشحال لما حتبقي بدر التمام
عجبي
صدفة
فيه ناس كتير بتحب وناس بتبيع كلام
ناس بتشتري القلب
وناس بتشترى الاوهام
وناس كل غيتها
تعيش فى الدنيا نيام
عجبى!!!
صلاح جاهين
فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين يا جدع
قال من بعيد و لسه رايح بعيد
عجبي !!!
صدفة
البت اموره والقلب كان حديد
بحبها والحب كان بيزيد
كانت هى الشمس
فتركتنى اعيش فى جليد
عجبي!!!
الأحد ديسمبر 26, 2010 9:39 pm من طرف 
موضوع: صدفه&صلاح جاهين 
